Sjókajakar á Íslandi

Sjókajakar á Íslandi

Description

Höfundur: Örlygur Steinn Sigurjónsson

Sjókajakar á Íslandi er fyrsta íslenska bókin sem skrifuð er um kajakíþróttina. Í bókinni er ágrip af sögu sjókajakmennsku á Íslandi en bókin er einnig hugsuð sem kennslubók fyrir byrjendur og lengra komna. Bókin fjallar líka um öryggisatriði fyrir kajakræðara. Staðreynd er að um tugur íslenskra kajakræðara hefur farist í kajakslysum síðan á 3. áratug 20. aldar og er því nauðsynlegt að breiða út boðskap ábyrgrar og öruggrar kajakmennsku m.a. með útgáfu á bók sem þessari. Höfundurinn Örlygur Steinn Sigurjónsson hefur á liðnum árum starfað með helstu útivistarfélögum landsins, bæði sem leiðsögumaður í fjalla- og jöklaferðum ásamt því að hafa starfað í stjórn Fjallahjólaklúbbsins, Íslenska Alpaklúbbsins og Kayakklúbbsins. Hann hefur skrifað margar greinar í tímarit um útivist og er þetta fyrsta bók hans.